رغيف الخبز معروف من زمان أنه مسالة حياة أو موت بالنسبة للمصريين، بس الفترة الأخيرة في كلام كتير قوي الي رغيف العيش وإعادة هيكلته.. ياتري اية اللي ناوية تعلمه الدولة مع رغيف العيش.. وهل فعلا الدولة هتوقف انتاج رغيف العيش للمواطنين رغيف العيش حاليا هو العنصر الأساسي والأهم للمصريين في اكلهم وهو أول حاجة بتكون موجودة في الاكل لكل الناس سواء كانوا أغنياء أو فقراء ومفيش حد يقدر يستغني عنه في كل الوجبات، ولو حصل في حاجة أو اقدر الله تاخر إنتاجه ليوم واحد بس هتحصل أزمة كبيرة قوي في البلد.طيب اية اللي بتفكر فيه الدولة بخصوص رغيف العيش ؟.الدكتور شريف فاروق، وزير التموين والتجارة الداخلية، قال ان الدولة بتدرس مقترح لطرح الخبز المدعم بالوزن وأن المقترح لسه قيد الدراسة وأن الدولة مستمرة في العمل بنظام صرف الخبز الحالي بدون أي تغيير.وزير التموين قال إن المقترح الجديد بشأن نظام الخبز واللي بيتم دراسته في الوقت الحالي هو بيع الخبز بنظام الوزن وليس العدد بوزن 90 جرام للرغيف، وأكد كمان أن الدولة مهتمة بمصلحة المواطن في المقام الأول علشان يحصل علي الدعم بالشكل المطلوب.فاروق اتكلم كمان أن الدولة بتستهدف في الوقت الحالي استخدام آليات الرقمنة والتكنولوجيا لتتبع السلع وتحركاتها ووصلها إلى المنافذ على مستوى كافة المحافظات بالجمهورية، وكمان الناس علي مخزون القمح وقال إنه بيتجاوز 6 أشهر والدولة بتستهدف الوصول لمخزون استراتيجي لمدة 9 شهور، وان الوزارة ممثلة في الهيئة العامة للسلع التموينية شغالة على توفير وتامين مخزون السلع الأساسية.وزير التموين اتكلم تحديدا علي القمح وقال إن إجمالى احتياجات مصر من القمح سنويا سواء للخبز المدعم أو القطاع الخاص فى الأسواق بتقرب من 20 مليون طن قمح وكميات القمح المستوردة هتكون أقل بأسعار فى المتوسط مقارنة فى الفترة الماضية، ووجه التحية إلى الجهات فى دولة روسيا لالتزامها بتوريد كميات القمح المتفق عليها سواء المنتجين على القطاع الخاص أو الحكومي.الوزير شدد كمان أن الدولة مستمرة في دعم الأسر الأولى بالرعاية ومحدودي الدخل، وان تدقيق البيانات هدفه وصول الدعم لمستحقيه ومش هيتم المساس بالفئات الاولي بالرعاية، وان أوليات عمل الوزارة في الفترة الحالية هيا توفير السلع للمواطنين وضبط منظومة دعم البطاقات علشان كل فرد في الدولة يأخذ حقه في الدعم بالشكل المطلوب .وزير التموين اتكلم كمان عن إجراءات الدولة لضبط أسعار السلع في الأسواق، وقال ان التحرك فى الفترة اللي جاية هيكون فى العمل على ضبط الأسعار خصوصا أن مصر واحدة من الدول اللي عندها سوق حر فى العرض والطلب، بس في سلع لازم الدولة هتتدخل في ضبط أسعارها في الأسواق، وحدوث تغيرات فى أسعارها هيؤدي لانخفاض المعروض منها في الأسواق .طيب اية اللي الدولة بتعملة أو بتفكر فيه في رغيف الخبز ؟.الدكتور مصطفى مدبولى، رئيس الوزراء، قال إن مجلس الوزراء يناقش وبشكل مفصل منظومة الدعم والبدء فى زيادة حوكمة منظومة الدعم بهدف تقليل الأعباء المالية اللى بتتحملها الدولة لضمان وصول الدعم لمستحقيه، وأكد كمان أن الدولة ملتزمة بوجود الدعم خصوصا فى السلع الاساسية اللى بتمس المواطن .مدبولي اتكلم وبشكل خاص عن منظومة الخبز المدعم وقال إنها متحركتش من 30 سنة، وتكلفة رغيف الخبز وصلت حاليا علي الدولة لجنيه وربع والدولة كانت بتبيعه بـ5 قروش، وجه الوقت ان الدولة لازم تحرك أسعار رغيف الخبز وده اللي حصل وتم رفع سعر الخبز المدعم إلى 20 قرشا من بداية شهري يونيو اللي فات .
ملحوظة: مضمون هذا الخبر تم كتابته بواسطة موقع بانكير ولا يعبر عن وجهة نظر موقع المربع وإنما تم نقله بمحتواه كما هو من بانكير ونحن غير مسئولين عن محتوى الخبر والعهدة علي المصدر السابق ذكرة.
التعليقات