إيه حكاية الممرات الاستراتيجية وإيه اللي بيحصل في ملف الصناعة – المربع

ياترى اللي بيقوله الفريق كامل الوزير عن الصناعة هيتحقق فعلا وازاي مصر هتتحول لمركز صناعي إقليمي وايه حكاية الممرات الاستراتيجية اللي اخترعتها مصر.. خلونا لأخر الفيديو وهنشوف مفاجآت كتيرة.

زي ما احنا عارفين إن الفريق كامل الوزير وزير النقل واللي اضافت ليه وزارة الصناعة راجل مابينمش بمعني إنه وزير نشط جدا ومابيعترفتش بالمشاكل لأنها بيحلها على طول ودايما عنده فكر إن كل نجاح أوله تخطيط صح وتنفيذ صح ودا سر نجاحه في وزارة النقل والطفرة اللي عملها وبقت حديث العالم..
كامل الوزير دلوقتي بيطبق نفس الفكر في ملف الصناعة وبتكليف من الرئيس السيسي شخصيا ودا لأن الصناعة فيها كلام كتير وتحديات ومشاكل ملهاش اول من أخر ودا لأنه مرتبطة في تشغيلها بوزارات تانية زي البترول والكهربا والنقل والمالية لان صاحب المصنع بيستهلك وقود وطاقة وبيصدر في الجمارك فعشان كده الصناعة كانت تايهة لأن نجاحها بيعتمد على تعاون وزارات تانية زي ماقلنا.
المهم بعد أيام قليلة بدأت تظهر كرامات كامل الوزير في الصناعة وبدأ في حل المشاكل وضخ  روح جديدة في العمل داخل الوزارة والهيئات التابعة ليها وزي ما قلنا التخطيط هو الاب الشرعي للنجاح فالوزارة بدأت خطة دراسة حطة طموحة قايمة على اسس علمية وحسب الامكانيات المتاحة وبمدة زمنية للوصول لاهداف معينة وغير كده مفيش صناعة هتقوم في مصر..
الكلام اللي بنقوله دا هو نفس الكلام اللي قاله الفريق كامل الوزير، من ساعات لما أكد إن فيه خطة للنهوض بالصناعة المصرية، ومن المتوقع أن تنتهي هذه الخطة في نهاية 2024 وقتل كمان إن مصر هتنتقل إلى مكانة أخرى بسبب التطوير الحالي في قطاع الصناعة.
الوزير كشف أهم ملامح  الخطة واللي هدفها الاساسي  تحويل مصر لمركز صناعي إقليمي، من خلال سد الفجوة الإنتاجية في السوق المحلي، وتقليل الورادات التي تزيد عن 70 مليار دولار، وزيادة الصادرات وببساطة دي الخلطة السرية اللي هتخلي عندنا صناعة ووفرة في الدولار.

طيب ايه ي محاور خطة النهوض بالصناعة المصرية؟
شوف ياسيد فيه 7 محاور رئيسية عتمدها كامل الوزير عشان مصر يكون عندها قاعدة صناعية قوية جدا وأهمها بناء مصانع جيديدة لتوفير جزء من احتياجات السوق المحلي، وزيادة إنتاجية المصانع القائمة، وإعادة تشغيل المصانع المتوقفة والمتعثرة، والاهتمام بالتدريب والتأهيل بالقوى البشرية.

الوزير كشف كمان إن عدد العمال في المصانع يقدر بـ3.5 مليون عامل، وإن فيه مخطط لزيادة العدد لـ7 أو 8 مليون عامل في هذا المجال أي ضعف الرقم الحالي.
طيب ايه حكاية الممرات الاستراتيجية دي؟
شوف حضرتك مصر خلال السنين الأخيرة عملت على تنمية البنية الأساسية من طرق وكباري وخلافه لأان دي اساسيات التنمية في اي بلد  وإن الممرات الاستراتيجية دي فكرة عبقرية نفذت في مصر، والكتير من الدول بتنظر إلى تجربة مصر في هذا المجال بنظرة إعجاب ودا كلام كامل الوزير بردو واللي أضاف إن الممر الاستراتيجي بيبدأ من المناطق الزراعية أو الصناعية أو السياحية، ويصل في النهاية إلى ميناء بحري،  من خلال وسيلة مواصلات سواء طريق سريع أو السكك الحديدية، أو القطار الكهربائي للسريع، ويمر هذا الممر بمناطق استهلاكية مرتفعة مثل القاهرة أو ميناء جاف في منطقة لوجستية، حتى تنقل المواد الخام إلى المصانع للتصنيع، ومن ثم استخدام المنتجات محليًا، أو إعادة تصديرها مرة تانية وإن الممرات الاستراتيجية ستُحرك كافة القطاعات في مصر سواء صناعة، أو زراعة أو سياحة.

يعني ببساطة كدا فكرة الربط بين الموانيء المصرية على البحر الأحمر، والموانيء المصرية على البحر المتوسط، وربط مناطق الإنتاج بالتصدير  هتعيد صياغة اللوجستيات في المنطقة، ودا هيحول مصر إلى مركز إقليمي للنقل واللوجستيات.