لو بتدور على شقة حلوة وعلى قد فلوسك شوف إمتى الحكومة هتعلن معاد الحجز على شقق الإسكان الاجتماعي الجديدة، اللي خدت ضجة كبيرة جدا في الأيام الأخيرة، واتوصفت بأنها أكبر طرح في تاريخ الوزارة، وهل وزارة الإسكان هتعلن عنها دفعة واحدة ولا على مراحل، وإزاي الناس تقدم عليها.. هنقولك كل التفاصيل في التقرير ده. في الساعات الأخيرة، المهندس شريف الشربيني، وزير الإسكان والمرافق والمجتمعات العمرانية، أعلن عن طرح وحدات سكنية جديدة في عدد من المدن الجديدة، وده بيجي ضمن خطة الوزارة لتقديم وحدات سكنية للمواطنين من محدودي ومتوسطي الدخل.عشان كده، تم طرح وحدات جديدة للحجز، بواقع 1645 وحدة سكنية متنوعة، بمساحات بتوصل إلى 161 متر مربع.وبالنسبة للناس اللي عايزة تحجز وبتسأل على أنظمة سداد، فوفقا لوزارة الإسكان هتكون ميسرة وهتكون من خلال أجهزة 8 مدن جديدة، خلال الفترة من 29 سبتمبر الحالي ل28 أكتوبر الجاي، وهيتم إتاحة كراسات الشروط والمواصفات بأجهزة المدن المطروح بها الوحدات من يوم الأحد 29 من شهر سبتمبر الحالي، يعني خلاص قربت، فالحق جهز ورقك.وللي مايعرفش، فالشقق دي بتيجي ضمن الطرح الجديد لوزارة الإسكان، واللي بيجي ضمن تنويع آليات طرح وإتاحة الوحدات بمختلف أنماطها، عشان تلائم جميع شرائح المجتمع، وده حصل تنفيذاً لتوجيهات الرئيس عبدالفتاح السيسى، رئيس الجمهورية، بتوفير المسكن المناسب للمواطنين.وهنقول لحضرتك شوية معلومات عن الشقق دي، وهي إنها عبارة عن 255 وحدة بمدينة العاشر من رمضان بمساحات تتراوح من (63م2 : 105م2)، وكمان 137 شقة بمدينة 6 أكتوبر بمساحات تتراوح من (55م2 : 90م2)، وكمان 878 وحدة “جنة” بمدينة المنصورة الجديدة بمساحات تتراوح من (100م2 : 150م2).ضيف على ده، 5 وحدات بمدينة العبور بمساحات تتراوح من (75م2 : 104م2)، و8 وحدات بمدينة الصالحية الجديدة بمساحات تتراوح من (65م2 : 161م2)، بجانب 240 وحدة “جنة” بمدينة ملوي الجديدة بمساحات تتراوح من (100م2 : 161م2).مش بس كده، ده متاح كمان 8 وحدات بمدينة برج العرب الجديدة بمساحات تتراوح من (79م2 : 140م2)، و114 بمدينة رشيد الجديدة بمساحات تتراوح من (90م2 : 93م2).وقالت وزارة الإسكان، إن تخصيص الشقق دي هيكون بنظام القرعة العلنية اليدوية، بعد انتهاء فترة الحجز، بحيث أنها تكون سكن ملائم للمواطنين بأسعار مناسبة وشروط ميسرة، وكمان متاح التمويل العقاري يعني ممكن حضرتك تستلف من البنك وتدفع فلوس الشقة بكل سهولة، يعني الحق جهز ورقك عشان تحجز الشقة.
ملحوظة: مضمون هذا الخبر تم كتابته بواسطة موقع بانكير ولا يعبر عن وجهة نظر موقع المربع وإنما تم نقله بمحتواه كما هو من بانكير ونحن غير مسئولين عن محتوى الخبر والعهدة علي المصدر السابق ذكرة.
التعليقات