هي إيه سندات مصر المقومة بالدولار؟ وإيه معنى ارتفاعها فى الأيام الأخيرة ؟ – المربع

  هو يعنى إيه سندات مصر المقومة بالدولار ؟ وايه معنى ارتفاعها فى الأيام اللى فاتت ؟ وهل ده ليه أي تأثير على سعر صرف العملة الأمريكية وأسعار السلع ولا لأ؟ فى الأيام الأخيرة ارتفعت سندات مصر السيادية الدولارية لأعلى مستوى ليها  في آخر سنتين لتتراوح بين 77.59 و99.52 سنت وده فى تعاملات يوم الخميس اللى فات.. وكشفت  بيانات حديثة أن السندات السيادية المصرية صعدت قبلها بيومين الى  ما يصل إلى 1.5 سنت للدولار بعد الزيارة الناجحة لرئيس الوزراء المصري مصطفى مدبولى إلى العاصمة السعودية الرياض ونجاحه فى إزالة كل المخاوف لدى المستثمريين السعوديين وفى نفس الوقت اعلان ولى العهد السعودي الأمير محمد بن سلمان ضخ 5 مليار دولار من صندوق الاستثمارات العامة فى مصر كمرحلة أولى وسط أخبار عن صفقة كبرى هيتم ابرامها الأيام الجاية بين مصر والمملكةبس بعيدا عن الزيارة وعن مليارات الدولارات اللى هتضخها السعودية فى مصر.. هي إيه اصلا سندات مصر المقومة بالدولار؟ وإيه معنى ارتفاعها فى الأيام الأخيرة ؟بص يا سيدي . .السندات المقومة بالدولار هي نوع من أدوات الدين بيقوم المصدر ليها سواء سواء كانت حكومات أو شركات باقتراض المال من المستثمرين مقابل دفع فائدة دورية بالإضافة إلى إعادة المبلغ الأصلي اللى هي القيمة الإسمية للسند في تاريخ استحقاق محدد ومعروف للطرفين .. يعنى باختصار الحكومة بتطرح السند بنسبة فايدة مرتفعة عشان تغري المستثمر الأجنبي يشتريه وبتط شروط لنسبة الفايدة ومعاد تسليم أصل المبلغوممكن بيع السندات سواء لتحقيق أرباح لو ارتفعت قيمة السند من  وقت شراؤه أو في حالة الحاجة إلى السيولة .. يعنى زي حالة مصر مثلا يكون عندك أزمة فى شح الدولار فالحكومة تطرح السندات دي عشان تجيب سيولة من النقد الأجنبي.. بس النوع ده من الاستثمار بيحتوى على مخاطرة كبيرة لن المستثمر لو حس ان فيه اى قلق ممكن يطلب فلوسه فى أى وقت ويتخارج من سوق الدينوارتفعت كل السندات الدولية اللي أصدرتها مصر لكن السندات المستحقة في عام 2047 حققت أكبر مكاسب وزادت 1.6 سنت لتسجل 79.72 دولار وفقا للأسعار على موقع “تريدويب” لتصل إلى أعلى مستوى ليها منذ مايو.ويُعد الأداء الخاص بالديون المصرية بالدولار هو رابع أفضل أداء في العالم خلال الشهور الأخيرة  بعائد إجمالي يتجاوز 30 % وهو ما يزيد بثلاثة أضعاف عن المتوسط المسجل في الأسواق الناشئة الأخرى.طب هل ده ليه دور في تخفيف ازمة نقص الدولار اللى عانت منها مصر ؟طبعا ليه دور كبير ومهم لأن ارتفاع السندات المقومة بالدولار معناه ان فيه اقبال كبير على أدوات الدين اللى بتطرحها الحكومة والاقبال ده هيترجم لدورات هيتم ضخها فى السوق وتقدر مصر تستفيد منها فى مشروعات تدر انتاج خصوصا فى القطاع الصناعى اللى الدولة بتوليه اهمية  كبيرة فى الفترة الأخيرة

ملحوظة: مضمون هذا الخبر تم كتابته بواسطة موقع بانكير ولا يعبر عن وجهة نظر موقع المربع وإنما تم نقله بمحتواه كما هو من بانكير ونحن غير مسئولين عن محتوى الخبر والعهدة علي المصدر السابق ذكرة.