مفاجآت من العيار التقيل.. شوف الدولة بتعمل إيه في شمال سيناء – المربع

سيناء واحدة من اهم المناطق في مصر واللي فيها موارد طبيعية كتيرة جدا ولكن للاسف كانت مهملة علي مدار عصور كتيرة فاتت، وحاليا الدولة بتعمل نهضة عمرانية واقتصادية هتحول سيناء لمقصد سياحي وحضاري وسكني مهم جدا.. يا تري الدولة بتعمل اية دولوقتي في سيناء اية المستهدف في الايام اللي جاية 

شمال سيناء اللي عانت علي مدار فترات بعيدة من الاهمال والتهميش واللي كان بسبب اساسي في توطين العناصر الأجرامية والخارجين عن القانون فيها، واللي اصبحت في فترة من الفترات منطقة كانت بتهدد الامن المصري بالكامل.
مع تولي الرئيس عبدالفتاح السيسي للحكم، وده الدولة كلها بكل الكيانات والوزارات اللي فيها بالعمل علي تنمية شبة جزيرة سيناء وتحديدا شمال سيناء، والدولة حطت خطة مكبرة لاحداث تنمية شاملة اقتصادية واجتماعية وتنموية بالمحافظة وحاليا الدولة اعلنت عن خريطة جديدة من المشروعات هتغير وجه سيناء لمدينة اجتماعية كل الناس عايزة تعيش فيها.
طيب اية هيا المشروعات الجديدة اللي الدولة بتستهدف تشغليها في شمال سيناء؟.
مؤخرًا الدولة اعلنت عن استهداف إنشاء فرع لجامعة الأزهر الشريف علشان تستقبل طلاب العلم والدين الوسطى، ده غير إنشاء مستشفى جامعى تعليمى جديد متكامل الخدمات تابع لجامعة العريش، وعودة القطار لربط شمال سيناء بكل المحافظات.
الرئيس السيسي وجه الحكومة بإنشاء فرع لجامعة الأزهر بشمال سيناء وسيتم إنشائها فى الكيلو 17 كمرحلة أولى على مساحة 30 فدان، وهيتم استكماله علشان يوصل لـ 70 فدان.
فرع جامعة الأزهر بشمال سيناء عده كليات منها كلية العلوم والدراسات الإسلامية وفى المرحلة الثانية هتضاف كليات زي التجارة بنات واقتصاد منزلى وهندسة بنين وبنات وطب بشرى بنين وبنات، بالإضافة إلى مدينة جامعية ومستشفى جامعى تابع لجامعة الأزهر، وكمان هيتم إنشاء كلية الزراعة بنين ومزرعة بيئية، والمرحلة الثالثة هتشمل الكليات الجديدة زي كلية الأسنان والصيدلة بنات وأصول الدين.
كمان المحافظة أعلنت عن انشاء مستشفي تابعة لجامعة العريش بمنطقة الكيلو 17 غرب مدينة العريش وهتقام علي  مساحة 50 فدان، وهيكون بمثابة مجمع طبى على أحدث الطرز المعمارية لخدمة كافة أبناء محافظة شمال سيناء، وده احد من اهم المشروعات التنموية والخدمية الكبيرة اللى بيتم تنفيذها على أرض المحافظة بتوجيهات من القيادة السياسية لتنمية وتعمير سيناء.
الدكتور حسن الدمرداش، رئيس جامعة العريش، قال أن الجامعة استلمت الأرض المخصصة لإنشاء مستشفى جامعة العريش لتوفير خدمات ورعاية صحية متكاملة لأهالى سيناء، وان المشروع هيضم مبنى المستشفى العام ومبنى الطوارئ ومبنى العيادات الخارجية ومركز طب الأسرة وكلية التمريض ومعهد التمريض والإدارة الهندسية للمستشفى وإدارة المستشفى زاستراحة الأطباء والتمريض وكلية العلاج الطبيعى وكلية الصيدلة ومبنى المعامل المركزية، ومركز أبحاث طبى متطور، وده غير إنشاء جامعة تكنولوجية.
المشروعات التنموية بشمال سيناء بتضم كمان تشغلي أول قطار محمل بالبضائع من ميناء الدخيلة بالإسكندرية لميناء شرق بورسعيد داخل شبه جزيرة سيناء ود بعد توقفه لسنين طويلة، ووالسكك الحديدية اعادت إنشاء وتجديد خط الفردان/ بئر العبد، بطول 100 كم، وبالاضافة لتجديد واستعادة كفاءة محطاته كمرحلة أولى من مشروع إعادة تأهيل وتطوير وإنشاء خط سكة حديد الفردان/ شرق بورسعيد/ بئر العبد/ العريش/ طابا بطول إجمالى حوالى 500 كم، واللى بيعتبر أحد المكونات الرئيسية للممر اللوجيستى العريش/ طابا.