ايه حكاية قرار البنك المركزي النهاردة بتوجيه البنوك بتسهيل فتح حسابات للعلات الاجانب الغير مقيمين في مصر .. والمركزي بيفكر في ايه وإيه حكاية مصيدة الدولار دي.. تعالو نشوف ايه الموضوع في الفيديو دها تابعونا للنهاية
زي ما قلنا النهاردة البنك المركزي المصري اصدر تعليمات واضحة وصريحة للبنوك بتسهيل فتح حسابات للعملاء الاجانب غير المقيمين بجمهورية مصر العربية والتعامل عليها وتمكينهم من الاستفادة من الخدمات المصرفية المتنوعة اللي بتيحها الحسابات وبما لا يخل بالضوابط والقواعد المنظمة لفتح الحسابات وكذلك إجراءات العناية الواجية لعملاء البنوك.
البنك المركزي فسر قراره بالسعي لتحفيز البنوك على فتح حسابات للعملاء الأجانب، وتلاشي الصعوبات اللي بيواجهها الأجانب للحصول على خدمات مصرفية أساسية في مصر وكمان حرصا من البنك المركزي على سلامة القطاع المصرفي المصري، مع اتخاذ البنوك إجراءات العناية الواجبة.
لغاية هنا وخلص الكلام الرسمي للمركزي لكن الحقيقة القرار ليه ابعاد تانية مهمة جدا لأنه أولا بيعتبر ضربة معلم في الوقت وبيسد خلل أو ثغرة مهمة جدا في السوق المصرفي لأن الاجانب غير المقيمين دول بيعتبروا مورد مهم جدا من موارد الدولار اللي كانت خارج نطاق سيطرة الدولة أو البنك المركزي وكان أصحاب الدولارات دي أو العملات التانية بيغيروها في السوق الموازية أو في شركات صرافة لأن معندهمش حساابات مصرفية أو خدمات بنكية تخليهم مثلا يعملوا ودايع أو يعملوا حسابات بالدولار أو اليورو وغيرها من العملات.
النهادرة قرار المركزي بيتيح ويفتح الباب لدخول شريحة جديدة للقطاع المصرفي شريحة دايما في جيبها عملة صعبة والمقصود بالاجانب غير المقمين في مصر زي يعني السياح ورجال الاعمال اللي بيجو رحلات عمل سريعة وزي المستوردين الاجانب من السوق المصري وزي كمان قطاع عريض من اصحاب رؤس الاموال الضخمة زي المليارديرات العربية وغيرها من الفئات واللي أكيد فتح حسابات ليهم في البنوك هيكون فيه فايدة كبيرة جدا وهيساعد في توطين رؤس أموال فئة جديدة مهمة زي ما قلنا..
طيب حد ممكن يقول إن الحسابات دي ممكن تكون باب عكسي لتهريب الدولار؟
كلام حضرتك ممكن يكون صح لكن في حالة واحدة لو البنك المركزي مقالش في البيان بتاعه للبنوك ونصها (وبما لا يخل بالضوابط والقواعد المنظمة لفتح الحسابات وكذلك إجراءات العناية الواجية لعملاء البنوك.) والعبارة دي هي الكفيلة إنها تحمي أموال الدولة والسوق المصرفي من اي محاولات للتلاعب أو استغلال الحسابات دي في أنشطة غير مشروعة أو في تمرير أموال مشبوهة للداخل أو الخارج لكن في النهاية القرار زي ماقلنا هيقضي على أي خلل في سوق الصرف وهيزود حصيلة الدولار لان الحسابات الجديدة دي بمثابة مصيدة للدولار وهتساعد في توطينه في البنوك لأن طبيعي رجل الاعمال أو السايح اللي بيجي مصر هيفكر يفتح حساب بنكي هيسهل عليه حاجات كتير جدا.
ملحوظة: مضمون هذا الخبر تم كتابته بواسطة بوابة بانكير ولا يعبر عن وجهة نظر موقع المربع وإنما تم نقله بمحتواه كما هو من بوابة بانكير ونحن غير مسئولين عن محتوى الخبر والعهدة علي المصدر السابق ذكرة.
التعليقات