علق كريم فؤاد لاعب الفريق الأول لكرة القدم بالنادي الأهلي، على إصابته بقطع في الرباط الصليبي الأمامي للركبة، بعدما أكد طبيب الفريق بإن اللاعب سيغيب 9 أسهر عن الملاعب.
وكتب كريم فؤاد عبر حسابة الشخصي على مواقع التواصل الاجتماعي كالتالي :”كل خسارة دُونَ الجنة ، فهي دُون”.
وأستكمل :”اللهم لك الحمد كما ينبغي لجلال وجهك وعظيم سلطانك ، الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها”.
وواصل :”ودا بيكون إختبار ليك هتعمل ايه في الموقف دا ، وان الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه اوي مقابل اني اصبر على الإبتلاء دا”.
وأكمل”وانا كان مكتوبلي اصابة في الرباط الصليبي للمره التانيه ، بس عندي احساس تاني خالص مع الإختبار دا ، انه انا في نعمة كبيرة اوي وان الحمدلله ربنا رزقني بإختبار سهل وهين أوي مقابل إبتلاءات ناس تانيه اصعب من دا بكتير ، وكمان إختبار مش جديد عليا بَعيده للمرة التانية في وقت قصير ف هعرف اتعامل معاه بشكل كويس ويمكن احسن”.
وأستطرد :”عشان كدا بحمد ربنا ان الإبتلاء اللي هاخد عليه اجر كبير وعظيم مش بالصعوبة القاسية اللي توجعني وتهدّني”.
وتابع :”أنا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء”.
واختتم:”الحمدلله مستعد للإختبار ومتحمس، شوية وقت وهنرجع نحارب من تاني، أشوفكم على خير قريب”.
ملحوظة: مضمون هذا الخبر تم كتابته بواسطة شبكة أطلس ولا يعبر عن وجهة نظر موقع المربع وإنما تم نقله بمحتواه كما هو من شبكة أطلس ونحن غير مسئولين عن محتوى الخبر والعهدة علي المصدر السابق ذكرة.
التعليقات